Magnús Pálsson

Magnus Pálsson (f. 1929) er flestum vel kunnur sem frumkvöðull á sviði íslenskrar samtímalistar. Í gegnum tíðina hefur Magnús unnið þvert á alla miðla við að koma hugmyndum sínum á framfæri. Það má segja að hann hafi byrjað sinn feril sem leikhúsmaður, að sá áhugi hafi ýtt honum af stað inn í myndlistina. Ungur að árum fór hann til Bretlands að stúdera sviðsmynda- og búningagerð. Þessi áhrif hafa varað alla tíð í listsköpun Magnúsar en þegar leið á ferilinn fór hann í auknum mæli að búa til stóra gjörninga en hann starfaði mikið með Nýlókórnum, sem sungu mikilfenglegar hljóðmyndir í mörgum gjörningum hans. Magnús stofnaði Nýlistadeild Myndlista- og handíðaskóla Íslands árið 1975 og er höfð eftir hon- um setningin „Kennsla er geggjaðasta listgreinin”.

Magnús hefur haft ómæld áhrif á listamenn sem á eftir honum komu og eru allt niður í yngstu kynslóðir listamanna meðvitaðar um framlag hans og áhrif á íslenska listarsenu. MULTIS hefur tekið hlutfeldi Magnúsar inn í sitt starf og eru á sýningunni sex seríur frá ýmsum tímabilum frá ferli Magnúsar.