Multis kynnir bókverk Guðjóns Ketilssonar Njólaljóð

28.02.2021

Sýningin Kliður er núna til sýnis hjá Listamönnum Skúlagötu 32. Sýningin opnaði 20. febrúar og stendur til 20. mars. Opið er virka daga kl. 9-17 og á laugardögum kl. 12-16

Um sýninguna

Á einkasýningu sinni KLIÐUR sýnir Guðjón Ketilsson nýjar teikningar/tákn/teikn og þrívítt verk. Titill sýningarinnar vísar á hljóðrænan hátt til þess mikla massa af orðum og umgjörðum orða, sem listamaðurinn teiknar inn á myndflöt flestra verkanna; orð sem kjósa að hjúfra sig hvert að öðru, snúa sér í allar áttir á myndfletinum og eiga þannig í nokkurskonar samtali sín á milli svo úr verður kliður, einskonar myndrænn hljóðveggur, vegna þess að hvert orð tengist öðru en er um leið mynstur og sjálfstætt form.
Guðjón Ketilsson (f. 1956) hefur haldið um fjörutíu einkasýningar á rúmlega fjögurra áratuga löngum ferli sínum og tekið þátt í fjölda samsýninga á Íslandi og í Evrópu, Bandaríkjunum, Kína og Ástralíu. Verk hans eru í eigu allra helstu listasafna á Íslandi, svo og nokkurra erlendis. Auk þess að vera boðið að vinna að list sinni á ýmsum alþjóðlegum vinnustofum, hefur hann verið valinn til þátttöku í fjölda samkeppna um gerð listaverka í opinberu rými og má sjá nokkur slík verk hans í Reykjavík, Seyðisfirði og á Norðurlöndunum.
Guðjón var valinn Listamaður ársins 2019 á Íslandi, af fagnefnd Myndlistarráðs. Hann hlaut Menningarverðlaun DV árið 2000 og verðlaun Listasafns Einars Jónssonar árið 1998.

Bókverkið NJÓLALJÓÐ / Dock Poems er komin út. 30 árituð og númeruð eintök eru til sölu hjá Multis.


The bookwork NJÓLALJÓÐ / Dock Poems is out. 30 signed and numbered copies.

Contact Us 

Open by appointment

Opið samkvæmt samkomulagi.

Email: info@multis.is

Tel: Ásdís (+354) 866 3906
Helga (+354) 699 5652
Kristín (+354) 822 8356


Kt: 421220-1900

 

Location

Snorrabraut 54

105 Reykjavík

Select your currency
Euro